Presgripsiynau electronig ar gyfer meddygon teulu a phresgripsiynwyr

Mae'r Gwasanaeth Presgripsiynau Electronig (EPS) mewn gofal sylfaenol yn caniatáu i feddygon teulu a rhagnodwyr eraill anfon presgripsiynau yn electronig i ddosbarthwr o ddewis y claf. Mae'n lleihau ein defnydd o bapur ac yn gwneud y broses rhagnodi a dosbarthu yn haws ac yn fwy cyfleus i gleifion a staff iechyd.

Mae EPS yn wasanaeth digidol diogel a dim ond gweithwyr iechyd proffesiynol sydd wedi'u hawdurdodi i'w ddefnyddio all gael mynediad ato. Nid yw'n system presgripsiynau clinigol ond fe'i defnyddir i reoli llif gwaith presgripsiynau o'r presgripsiynydd i'r dosbarthwr.

Mae EPS yn rhan allweddol o raglenni Meddyginiaethau Digidol gan Iechyd a Gofal Digidol Cymru, sy’n sicrhau manteision dull presgripsiynu digidol llawn ym mhob lleoliad gofal yng Nghymru. Mae EPS yn cael ei ddarparu mewn cydweithrediad â Phartneriaeth Cydwasanaethau GIG Cymru.

Dysgwch ragor am y manteision i bresgripsiynwyr, ynghyd ag arweiniad a chymorth ar ddefnyddio'r gwasanaeth.

Buddion:

Gall meddygon teulu a phresgripsiynwyr eraill lofnodi presgripsiynau unigol neu ystod yn electronig.
Os bydd claf yn cael ymgynghoriad ffôn neu fideo, gellir anfon presgripsiynau i fferyllfa enwebedig y claf heb fod angen i'r claf ymweld â'r feddygfa i nôl ffurflen bresgripsiwn papur.
Nid oes angen i staff presgripsiynau papur dosbarthu na phostio i'r fferyllfa, gan arbed adnoddau staff.
Mae traciwr presgripsiynau EPS yn galluogi gweithwyr gofal iechyd proffesiynol i weld lleoliad presgripsiwn electronig.

Treulio llai o amser yn delio â phresgripsiynau

Mae gwybodaeth presgripsiwn safonol yn lleihau nifer yr ymholiadau gan ddosbarthwyr.
Mae cywirdeb presgripsiwn gwell yn lleihau'r siawns y bydd cleifion yn cael y feddyginiaeth anghywir.
Mae presgripsiynau electronig yn lleihau
Nid oes angen paratoi a didoli presgripsiynau yn barod i'w casglu.

Gwell rheolaeth dros bresgripsiynau

Gellir canslo presgripsiynau ar unrhyw adeg nes iddynt gael eu dosbarthu a gellir anfon rhai newydd yn electronig.

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Dolenni ac Adnoddau Defnyddiol

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: