Hawliadau E-Dreuliau

Ychwanegu Derbynebau

Gellir ychwanegu derbynebau trwy ddewis yr eicon rheoli derbynebau.  Yna gallwch bori'ch gyriannau am y ddogfen sydd wedi'i chadw.  Gellir dod o hyd i ragor o gymorth trwy ddewis yr Eicon Cymorth a Chefnogaeth o fewn treuliau.

Cymeradwyo Hawliad

Nid yw Swyddog Cymeradwyo ar gael oherwydd absenoldeb salwch/gwyliau blynyddol

Dylai rheolwr ddirprwyo mynediad at ei gyfrif er mwyn i eraill allu cymeradwyo yn ei absenoldeb.

Pan na neilltuwyd mynediad dirprwyedig, gellir gwneud cais i ailgyfeirio hawliad.

Bydd ‘Claim Redirection’ yn newid dros dro yn unig ac ni fydd yn newid y cymeradwywr yn barhaol. 

Unwaith y byddwch wedi mewngofnodi i'r porth, cliciwch ar ‘log a call’, a dewiswch 'Redirect cliams for approval - temporary change’ o'r rhestr 'Pre-Defined'

Rhaid i bob cais gael ei gyflwyno gan swyddog awdurdodedig.

• Mynediad at gais am ailgyfeirio hawliad

Treuliau a gyflwynwyd i'r swyddog cymeradwyo anghywir

Os yw'ch treuliau wedi'u cyflwyno i'r swyddog cymeradwyo anghywir, bydd angen i chi ddadgyflwyno'ch hawliad a’i ailgyflwyno unwaith y bydd y cymeradwywr wedi'i newid neu y gellir gofyn am ailgyfeirio hawliadau (‘Redirect claims’).

• Gellir cyflwyno cais drwy ein porth ActionPoint https://actionpoint.cymru.nhs.uk/ulite/?servicedesk=264

Unwaith y byddwch wedi mewngofnodi i'r porth cliciwch ar ‘log a call’, a dewiswch ''Re-direct claims for approval' o'r rhestr 'Pre-Defined', yna gallwch ychwanegu gwybodaeth y cyflogai yn y blwch manylion.

Sylwch fod yn rhaid i’r cymeradwywr awdurdodedig gyflwyno pob cais ac nid y gweithiwr.

Cynnwys Mynediad Dirprwyedig at Gyfrif E-Dreuliau

I gynnwys mynediad dirprwyedig at Gyfrif E-Dreuliau dilynwch y camau hyn:

1. Llywiwch o'r hafan i ‘My Details | Delegates’. Bydd hyn yn eich cyfeirio at y dudalen ‘Delegates’ sy'n dangos unrhyw ddefnyddwyr cyfredol yr ydych wedi'u ffurfweddu i gael mynediad dirprwyedig.
2. Cliciwch ‘Add Delegate’ o’r ddewislen ‘Page Options’. Mae hyn yn mynd â chi nôl i’r dudalen ‘Employee Search’.
3. Rhowch gyfenw'r defnyddiwr yn y maes ‘Surname’ a chliciwch ar ‘Search’. Bydd canlyniadau chwilio perthnasol yn dangos islaw.
4. Cliciwch ‘Assign’ wrth ymyl y defnyddiwr i roi mynediad dirprwyedig iddynt. Mae hyn yn symud y defnyddiwr i'r adran ‘Allocated Employees’. Gallwch ychwanegu cymaint o ddirprwyon ag sydd eu hangen arnoch gan ddefnyddio'r dull uchod.
5. Unwaith y byddwch wedi ychwanegu'r dirprwyon gofynnol at eich cyfrif, cliciwch ‘Save’ i gadarnhau.

Sylwch mai dim ond deiliad y cyfrif all gyflawni'r weithred hon.