Uned feddyginiaethau CIVAS@IP5 yn ennill gwobr 'Arloesedd Cydwasanaeth' Deloitte mewn cynhadledd genedlaethol

Llongyfarchiadau i uned feddyginiaethau CIVAS@IP5 a enillodd wobr fawreddog 'Arloesedd Cydwasanaeth' yn ddiweddar fel rhan o gynhadledd genedlaethol yn Farnborough a gynhelir gan rwydwaith gwasanaethau proffesiynol Deloitte.

Mae CIVAS@IP5 yn wasanaeth paratoi meddyginiaethau sy'n gweithredu o warws dosbarthu cenedlaethol PCGC yng Nghasnewydd. Fe’i sefydlwyd fel prosiect cyflenwi cyflym mewn ymateb i Covid-19, ac mae'n cyflenwi meddyginiaethau chwistrelladwy mewn fformat sy'n barod i'w ddefnyddio yn uniongyrchol i'n Hunedau Gofal Critigol ledled Cymru. Mae hyn yn sicrhau parhad yn y cyflenwad, ansawdd a diogelwch, ac yn rhyddhau amser nyrsio i ganolbwyntio ar ofal cleifion.

Mae'r wobr ei hun yn cydnabod sefydliad neu dîm sydd wedi datblygu atebion neu newid arloesol i ddatrys problem ac sydd wedi dangos gwydnwch a thrwy ymateb i heriau, sydd wedi cryfhau eu sefydliad cydwasanaeth. Da iawn i bawb sy'n gysylltiedig ag ennill y wobr hon, sy'n adlewyrchiad o'r holl waith caled, datblygiad parhaus a gweithrediad parhaus yr uned feddyginiaethau.

Yn y llun gyda'r wobr Arloesedd mae Gareth Tyrell, Pennaeth Gwasanaethau Technegol CIVAS@IP5 a Candice Sieg, arweinydd cynhadledd Deloitte.