IFS Cymru

Mae IFS Cymru (Cadw Golwg ar y Ffetws yn ystod Genedigaeth) yn rhaglen genedlaethol ar gyfer diogelwch a dysgu mamolaeth a ariennir gan Gronfa Risg Cymru. Nodwyd bod monitro ffetws yn ffactor cyfrannol hanfodol mewn achosion lle gallai gwelliannau mewn gofal fod wedi atal canlyniad gwael. Rhwng 2021 a 2024, roedd cadw golwg ar y ffetws yn ystod genedigaeth yn ffactor a gyfrannodd at 24 allan o 95 o hawliadau mamolaeth esgeuluser clinigol a ad-dalwyd yn GIG Cymru. Arweiniodd hyn at daliadau o fwy na 20 miliwn o bunnoedd, ochr yn ochr â gofid emosiynol anfesuradwy i deuluoedd.

• Dehongli ffisioleg ffetws a chardiotocograffeg (CTG)
• Clustfeiniad ysbeidiol
• Strategaethau uwchgyfeirio
• Ffactorau dynol gan gynnwys ymwybyddiaeth sefyllfaol, gwaith tîm a chyfathrebu/li>

Mae IFS Cymru yn ymateb yn uniongyrchol i Safon 4 o Safonau Cymru ar gyfer Cadw Golwg ar y Ffetws yn ystod Genedigaeth (2023) ac yn cyd-fynd â'r blaenoriaethau a nodir yn y llwybr tuag at ddechrau mwy diogel yng Nghymru (Holland, 2026). Cefnogir y rhaglen ymhellach gan ystod o adroddiadau ac argymhellion cenedlaethol y DU, sy’n cynnwys Adroddiad Ockenden, Adolygiad Dwyrain Caint ac MBRRACE-UK, sydd i gyd yn galw'n gyson am hyfforddiant strwythuredig, gorfodol ac amlbroffesiynol mewn monitro ffetysau.