Jane Storey

Cymhwysodd Jane fel Nyrs Gofrestredig ym 1985 ac atgyfnerthodd ei hyfforddiant trwy ennill 5 mlynedd o brofiad fel nyrs ym Mryste, Llundain a Rhydychen ar wardiau yn amrywio o Feddygaeth Gyffredinol i Oncoleg Bediatreg.

Yna aeth Jane ati i hyfforddi fel bydwraig, gan gymhwyso yn 1990. Enillodd brofiad amhrisiadwy am 5 mlynedd ar ôl cofrestru yn Ysbyty Southmead, Bryste cyn derbyn swydd fel Bydwraig yn Ysbyty Matilda yn Hong Kong. Ar ôl 9 mis gwych dychwelodd i'r DU ym 1996 ac ymunodd â'r tîm Bydwreigiaeth yn Ysbyty St. Michael’s, Bryste.

Yn ystod ei hamser yn St. Michael's, enillodd Jane brofiad ym mhob agwedd ar ofal bydwreigiaeth, gan weithio'n rheolaidd ar y wardiau gan ddarparu gofal cyn-enedigol ac ôl-enedigol risg uchel a risg isel, yr uned dan arweiniad bydwragedd a'r uned gofal trosiannol. Gweithiodd hefyd yn y gymuned a'r ystafell prysuro'r geni ond mae'r rhan fwyaf o brofiad bydwreigiaeth Jane wedi bod yn yr ystafell esgor ganolog yn darparu gofal yn ystod genedigaeth i fenywod â beichiogrwydd cymhleth. Mae hyn wedi gosod sylfaen gref ar gyfer ei rhan yn PROMPT (Hyfforddiant Aml-broffesiynol Ymarferol mewn Obstetreg).

Yn 2016 daeth cyfle i Jane ymuno â'r tîm ymchwil yn St. Michael's. Ailgyflwynodd hyn hi i'r tîm ymchwil yn Ysbyty Southmead ac yn 2018 gofynnodd Sefydliad Mamolaeth PROMPT iddi ymuno â nhw fel bydwraig prosiect i gefnogi gweithredu PROMPT ledled Cymru. Ym mis Ionawr 2020 ymddeolodd Jane o'r GIG ond parhaodd i weithio gyda Sefydliad Mamolaeth PROMPT (PMF). Dychwelodd i weithio yn glinigol ar y banc bydwreigiaeth ym mis Mawrth 2020 i gefnogi’r tîm mamolaeth yn Ysbyty Southmead ar ddechrau pandemig Covid 19. Mae hi'n parhau fel bydwraig cyfadran PMF.

Yn 2020 gofynnwyd i Jane ymuno â Thîm Cenedlaethol PROMPT Cymru fel hwylusydd profiadol ac mae'n darparu cefnogaeth i gyfadrannau lleol, gan sicrhau bod safonau uchel o hyfforddiant wedi'u hymgorffori mewn unedau mamolaeth ledled Cymru.

Hyd yn oed nawr ar ôl 36 mlynedd fel unigolyn cofrestredig, mae Jane yn dal i fod yn awyddus i ddatblygu ei rôl fel bydwraig ac anaml y bydd yn osgoi heriau newydd. Mae hi bob amser yn awyddus i ddysgu a chymryd rhan mewn prosiectau newydd a chyffrous.

Cyn gynted ag y dechreuodd rhaglen frechu Covid ym mis Rhagfyr 2020, ymunodd Jane â'r tîm yn Ymddiriedolaeth Gogledd Bryste, gan frechu staff rheng flaen y GIG a gofal cymdeithasol. Ar ôl cwblhau hyn, dechreuodd weithio'n rheolaidd gyda'r timau brechu mewn amryw o leoliadau gofal iechyd ac mae'n parhau i wneud hynny.

Mae Jane yn briod â Rob ac yn gobeithio ail-ymddeol ar ryw adeg ac ymuno ag ef ar ei daith cyn-bandemig arfaethedig i Foroco mewn fan wersylla hen iawn i ddysgu sut i syrffio.

Mae ganddi 2 o blant, Tom a Cate sydd ill dau yn y brifysgol.

Mae Jane yn mwynhau darllen a threulio amser gyda'i ffrindiau annwyl.

Cyswllt

E-bost: Jane.Storey@wales.nhs.uk