Roedd cyflwyno Cynllun Prydlesu Ceir PCGC yn gymorth i'r unigolion hynny oedd angen gyrru fel rhan o'u rôl. Felly, os oes gennych Filltiroedd Busnes o 1000 milltir neu fwy'r flwyddyn, byddai Cynllun Prydlesu Ceir PCGC yn fwy manteisiol na’r Cynllun Aberthu Cyflog PCGC. Mae hyn oherwydd bod pob milltir busnes y Cynllun Prydlesu Ceir yn cael ei dalu gan y Bwrdd Iechyd/ Ymddiriedolaeth, tra bod pob milltir sy’n cael ei gwblhau trwy Gynllun Aberthu Cyflog PCGC yn cael ei ystyried yn rhai personol ac mae'r gyrrwr yn gwbl atebol am unrhyw gostau.
Cynllun Prydlesu Ceir y GIG
- Mae Cynllun Prydlesu Ceir y GIG ar gael i holl staff parhaol yn y Bwrdd Iechyd sy'n teithio dros 1,000 o filltiroedd busnes.
- Mae pris Ceir Prydles y GIG yn cael ei esbonio’n glir, felly does dim cost gudd.
- Mae ceir yn cael eu prisio trwy’r fframwaith GPS i geir. Mae'r pris rhataf bob amser yn cael ei drosglwyddo i'r gyrrwr.
- Ad-delir taliadau Ceir Cwmni CThEM felly nid oes unrhyw dreth i'w thalu ar daliadau milltiroedd a dderbynnir.
- Hyd y contract Prydlesu Car y GIG yw 3 blynedd
- Mae gwasanaethu, cynnal a chadw, cymorth ar ochr y ffordd, yswiriant, cerbyd benthyg, Treth ac MOT i gyd wedi'u cynnwys.
- Mae Tîm Prydlesu Ceir y GIG bob amser wrth law i ateb unrhyw gwestiynau sydd gennych.
- Newid lleoliad yn ystod contract 3 blynedd - bydd y bwrdd iechyd yn talu am unrhyw filltiroedd ychwanegol ar ffurf milltiroedd tybiannol a fydd yn cael eu cynnwys fel milltiroedd busnes ac nid rhai preifat gan y byddai goblygiadau treth i'r gweithiwr pe bai'n hawlio taliadau ychwanegol.
- Nid yw cael Car Prydles y GIG yn cael unrhyw effaith ar eich Pensiwn.
Cynllun aberthu cyflog personol ar gyfer prydlesu ceir
- Mae ceir ac amcanbris ar brydles aberthu cyflog yn tueddu i fod yn ddrytach.
- Mae cyfraniadau tuag at bensiwn yn cael eu lleihau trwy gael car Aberthu Cyflog felly bydd goblygiadau pensiwn yn y dyfodol yn berthnasol
- Os byddwch chi'n gwneud milltiroedd busnes ar ran y Bwrdd Iechyd, byddwch chi'n ildio rhan o'ch cyflog a'ch pensiwn i sybsideiddio'r Bwrdd Iechyd am wneud y milltiroedd busnes hyn.
- Mae trethi ychwanegol yn cael eu rhoi ar filltiroedd gan fod y cynllun aberthu cyflog yn talu 0.45c, sy’n uwch na chyfraddau cwmnïau cymeradwy CThEM. Bydd y gwahaniaeth rhwng y cyfraddau 0.45c ar gyfer cerbydau preifat a chyfraddau tanwydd sy'n cael eu cynghori gan CThEM ar gyfer car cwmni yn cael eu TRETHU.
- Gall newid lleoliad oherwydd ad-drefnu arwain at filltiroedd ychwanegol. NI all y bwrdd iechyd dalu hyn ar sail costau teithio gormodol gan y bydd hyn yn arwain at daliadau graddfa tanwydd ychwanegol gan fod unrhyw filltiroedd gormodol a delir yn cael eu trin yr un ffordd â char prydles cwmni, felly bydd trethi ychwanegol yn berthnasol.
- Os bydd newid mewn lleoliad yn ystod cyfnod contract car aberthu cyflog, ni fydd y Bwrdd Iechyd yn cydnabod unrhyw gostau ychwanegol oherwydd y taliadau ar raddfa danwydd neu ni fydd yn cyfrif fel milltiroedd tybiannol gan fod y cynllun hwn yn ddewis personol, felly gallai fod taliadau ychwanegol.