Strwythur y Gwasanaeth Archwilio Meddygol
Archwilydd Meddygol Arweiniol Cymru: Dr Jason Shannon
Mae'r Archwilydd Meddygol Arweiniol yn cynnig arweinyddiaeth a chyngor i sicrhau bod Gwasanaeth Archwilio Meddygol Cymru yn cael ei sefydlu a'i lywodraethu'n effeithiol, a hefyd yn darparu arweinyddiaeth a chefnogaeth i Archwilwyr Meddygol a gyflogir yng Nghymru, gan gynnwys darparu llinell atebolrwydd broffesiynol annibynnol iddynt.
Mae'r Archwilydd Meddygol Arweiniol yn cefnogi'r Archwilydd Meddygol Cenedlaethol, sydd â chylch gwaith yng Nghymru a Lloegr, trwy sicrhau bod deddfwriaeth, arweiniad a safonau perthnasol yn cael eu deall a'u gweithredu'n effeithiol yng Nghymru, a thrwy roi'r wybodaeth ddiweddaraf iddynt am y cynnydd ac am y materion sy'n codi.
Swyddog Archwilio Meddygol Arweiniol: Daisy Shale
Mae Swyddog Archwilio Meddygol Arweiniol Cymru yn darparu arweinyddiaeth genedlaethol a goruchwyliaeth weithredol ar gyfer Gwasanaeth Archwilio Meddygol Cymru Gyfan. Fel yr arweinydd proffesiynol ar gyfer Swyddogion Archwilio Meddygol sy'n gweithio yng Nghymru, bydd hefyd yn sicrhau bod y gwasanaeth yn cael ei ddarparu'n gyson ar draws byrddau iechyd, yn cefnogi Swyddogion Archwilio Meddygol yn eu rolau, ac yn arwain ar sicrhau ansawdd, llywodraethu a gwelliant parhaus.
Gan weithio'n agos gydag Archwiliwr Meddygol Cenedlaethol Cymru, bydd yn helpu i sicrhau bod pob marwolaeth yn cael ei hadolygu i safon uchel a bod teuluoedd mewn galar yn derbyn gwybodaeth a chefnogaeth glir.
Rheolwr Cymorth Busnes: Justin Owen-Harris
Mae Rheolwr Cymorth Busnes Gwasanaeth Archwilio Meddygol Cymru Gyfan yn arwain ar ddatblygiad strategol, llywodraethu a gwella gwasanaethau. Bydd yn goruchwylio adrodd ar berfformiad, iechyd a diogelwch, cynllunio busnes, a rheoli risg, gan sicrhau darpariaeth effeithiol a gwelliant parhaus yn unol â blaenoriaethau cenedlaethol.
