Cwmsmeriaid
Byddwn yn gwneud ein gorau glas i ddarparu’r gwasanaeth gorau posibl i chi, ein cwsmer, sy’n diwallu’ch anghenion nawr ac yn y dyfodol. Mae ein Strategaeth Gwasanaeth Cwsmeriaid yn esbonio sut y byddwn yn mynd ati i ragori ar eich disgwyliadau ac mae’n cynnwys ein Siarter Cwsmeriaid sy’n manylu ar ein hymrwymiad i chi.
Byddwn yn darparu gwasanaeth proffesiynol o ansawdd uchel ichi, ac rydym ymrwymedig i’r Safonau Gwasanaethau Cwsmeriaid sy’n egluro ansawdd y gwasanaeth y gallwch ei ddisgwyl pan fyddwn yn delio â chi.
Pan fyddwn yn delio â chi, byddwn yn:
- datrys eich ymholiadau y tro cyntaf ichi gysylltu lle bo hynny’n bosibl
- parchu cyfrinachedd os yw’n berthnasol
- sicrhau y cewch y wybodaeth ddiweddaraf am gynnydd eich ymholiad
- dangos cwrteisi a pharch, gan dalu sylw i’ch anghenion
- sicrhau bod ein staff wedi eu hyfforddi i roi cymorth a chyngor, neu eu bod yn gallu’ch cyfeirio at y person iawn a all eich helpu os na allant.
Wrth ateb y ffôn, llythyrau, negeseuon ffacs ac e-byst, byddwn yn:
- ymateb i’ch ymholiad yn brydlon ac yn broffesiynol
- ceisio sicrhau y cewch y wybodaeth sydd ei hangen arnoch yn y modd priodol
Pan fyddwch yn ymweld â ni yn bersonol, byddwn yn:
- sicrhau bod yr arwyddion a’r wybodaeth yn eglur
- sicrhau bod ardaloedd yn hawdd eu cyrraedd, yn ddiogel ac yn lân
- eich cyfarch a delio â’ch ymholiad yn brydlon
- sicrhau ein bod yno i gwrdd â chi yn brydlon, neu roi gwybod ichi os bydd rhaid inni ganslo neu ail-drefnu apwyntiad
Fel y nodwyd uchod, rydym am ddarparu’r gwasanaeth gorau posibl ichi, a dim ond trwy wrando arnoch chi y mae modd gwybod beth rydym yn ei wneud yn dda a beth mae’n rhaid inni ei wella. Dyma beth y gallwch chi ei wneud i helpu: