Dilysu ar ôl Talu

Mae Partneriaeth Cydwasanaethau GIG Cymru a Gwasanaethau Gofal Sylfaenol yn gyfrifol am gyflawni dyletswyddau dilysu ar ôl talu ar ran Byrddau Iechyd ledled Cymru. Mae timau dilysu ar ôl talu yn cwblhau gwiriadau dilysu ar ôl talu mewn Gwasanaethau Meddygol Cyffredinol, Gwasanaethau Offthalmig a Fferylliaeth yn y Gymuned.

Diben y broses dilysu ar ôl talu yw rhoi sicrwydd i Fyrddau Iechyd bod yr hawliadau am daliadau a wnaed gan gontractwyr gofal sylfaenol yn briodol a bod y gwaith o ddarparu’r gwasanaeth yn unol â’r diffiniad ym manyleb gwasanaeth y GIG a deddfwriaeth berthnasol.

Mae’r tîm dilysu ar ôl talu hefyd yn rheoli’r rhaglen Archwiliadau Rheoli Gwastraff ar ran Byrddau Iechyd, a hynny drwy gynnig cyngor a chymorth i bractisiau meddyg teulu a fferyllfeydd yn y gymuned mewn perthynas â rheoli gwastraff.

Gweler isod restr o gwestiynau cyffredin a chanllawiau a gasglwyd er mwyn gweld rhai o gamgymeriadau mwyaf cyffredin y broses dilysu ar ôl talu a’r rhaglen Archwiliadau Rheoli Gwastraff.

Mae rhestr lawn o'n dogfennau i'w gweld yma.

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: