Yn ystod pandemig Coronafeirws mae angen i'r GIG fod yn fwy gwyliadwrus byth oherwydd bod risg twyll yn cynyddu. Mae Awdurdod Atal Twyll y GIG (NHS CFA) wedi cyhoeddi canllawiau ar ba gamau y gall y GIG a'r cyhoedd eu cymryd i liniaru risg twyll. Gellir gweld y canllawiau ar wefan NHS CFA https://cfa.nhs.uk.

Rydym yn croesawu gohebiaeth a galwadau yn y Gymraeg.
Ni fydd ymgysylltu gyda ni yn y Gymraeg yn arwain at oedi.

Arbenigwr Atal Twyll Lleol y Bartneriaeth Cydwasanaethau

Cwestiynau Cyffredin

Sut y gallaf atal twyll yn fy ngweithle?

Gallwch atal twyll yn eich gweithle drwy wneud y canlynol:

Rhoi gwybod am unrhyw amheuon o dwyll i’ch Arbenigwr Atal Twyll Lleol neu Wasanaeth Atal Twyll GIG Cymru.
Dilyn y polisïau a’r gweithdrefnau ariannol sydd ar waith bob amser.
Rhoi gwybod am unrhyw wendidau mewn systemau a allai ganiatáu i dwyll ddigwydd.

Â phwy mae gwasanaeth atal twyll GIG Cymru yn gweithio?

Mae Gwasanaeth Atal Twyll GIG Cymru yn gweithio gyda Llywodraeth Cymru, Awdurdod Atal Twyll y GIG, Byrddau Iechyd Cymru ac Ymddiriedolaethau GIG Cymru. Mae hefyd yn gweithio gydag asiantaethau allanol fel yr heddlu, yr Adran Gwaith a Phensiynau, Cyllid a Thollau Ei Mawrhydi, Y Swyddfa Gartref – Fisâu a Mewnfudo’r DU ac Awdurdodau Lleol yng Nghymru.

A allaf roi gwybod am fy amheuon o dwyll yn ddienw?

Gallwch, gallwch roi gwybod am eich amheuon yn ddienw drwy gysylltu â Llinell Adrodd am Dwyll a Llygredd ac offeryn adrodd ar-lein Awdurdod Atal Twyll y GIG.

Dolenni ac Adnoddau Defnyddiol

Rhoi Gwybod am Dwyll

Gallwch roi gwybod am dwyll yn y GIG mewn modd diogel a chyfrinachol drwy ddefnyddio offeryn adrodd ar-lein Awdurdod Atal Twyll y GIG neu drwy ffonio’r llinell rad ac am ddim ar 0800 0284060.

Gellir cyfeirio unrhyw bryderon posibl mewn perthynas â thwyll neu lygredd yn GIG Cymru, neu geisiadau am wybodaeth ychwanegol, at yr Arbenigwr Atal Twyll Lleol neu Wasanaeth Atal Twyll GIG Cymru.