PROMPT Cymuned Cymru

Mae ‘PROMPT Cymru yn y Gymuned' yn rhaglen Diogelwch a Dysgu Mamolaeth gan Gronfa Risg Cymru a ddatblygwyd gan Dîm Cenedlaethol PROMPT Cymru i fynd i'r afael ag anghenion timau bydwreigiaeth cymunedol. Gan adeiladu ar gyflwyno PROMPT Cymru yn llwyddiannus, cyflwynir hyfforddiant mewn ffordd sy'n cynrychioli arfer mewn lleoliadau dan arweiniad bydwragedd.  

Datblygwyd y rhaglen yn ystod haf 2019 a chafodd ei threialu drwy gydol 2020 ym mhob Bwrdd Iechyd. Yn dilyn gwerthusiad llwyddiannus, cafodd PROMPT Cymru yn y Gymuned ei weithredu'n llawn ym mis Medi 2021. Mae pob Bydwraig Gymunedol yng Nghymru bellach yn cael hyfforddiant blynyddol. 

Mae senarios yn digwydd yn y canolfannau geni neu leoliad genedigaeth gartref efelychiedig ac yn canolbwyntio ar reoli argyfyngau mewn tîm bach heb fynediad cynnar at gymorth obstetreg. Mae Bydwragedd, Gweithwyr Cymorth Gofal Iechyd, Gweithwyr Cymorth Mamolaeth a Pharafeddygon yn hyfforddi gyda'i gilydd, ac yn defnyddio eu hoffer eu hunain, ac yn darparu ffyddlondeb i'w harfer gwaith arferol. Mae hyfforddiant yng nghyd-destun ymarfer cymunedol yn hwyluso profi systemau a phrosesau ac yn adnabod meysydd ar gyfer gwelliant sefydliadol. 

Mae adnoddau ac algorithmau hyfforddi PROMPT wedi'u haddasu ar gyfer gwasanaethau cymunedol. Mae'r rhain bellach wedi'u hymgorffori yng nghanllawiau ac ymarfer clinigol Cymru gyfan, ac yn cefnogi bydwragedd i adnabod ac ymateb yn effeithlon i sefyllfaoedd brys er mwyn optimeiddio diogelwch.  

Caiff hyfforddiant PROMPT Cymru yn y Gymuned ei hwyluso gan Fydwragedd a Pharafeddygon sydd wedi derbyn rhaglen hyfforddi datblygu staff PROMPT Cymru gymeradwy. Mae timau cyfadran lleol yn gyfrifol am drefnu a chyflwyno eu cyrsiau. Mae'r Tîm Cenedlaethol yn darparu cefnogaeth reolaidd ac yn ymgymryd â sicrwydd ansawdd blynyddol er mwyn sicrhau bod safonau uchel o hyfforddiant a dilysrwydd y rhaglen yn cael eu cynnal.  

Mae Llyfryn Hyfforddwyr PROMPT Cymru wedi'i ddiweddaru yn 2025 ac mae'n cynnwys cyfres o adnoddau hyfforddi ar gyfer timau hwyluso lleol.