Cwrdd â Thîm Cenedlaethol PROMPT Cymru

Jonathan Webb

Jonathan Webb yw Pennaeth Diogelwch a Dysgu Cronfa Risg Cymru ac roedd yn allweddol wrth sefydlu rhaglen PROMPT Cymru. Mae gan Jonathan ddiddordeb mawr yn y rhaglen, ac mae’n darparu cefnogaeth arweinyddiaeth i Dîm Cenedlaethol PROMPT Cymru.

Sarah Hookes

Mae Sarah Hookes yn Fydwraig Gofrestredig ac yn Uwch Gynghorydd Diogelwch a Dysgu ar gyfer rhaglenni Mamolaeth a Diogelwch a Dysgu Cronfa Risg Cymru. Mae Sarah yn cynnal yr arweinyddiaeth strategol ar gyfer rhaglen PROMPT Cymru.

Sarah Morris

Sarah Morris yw Bydwraig Genedlaethol PROMPT Cymru ac yn Fydwraig Datblygu Ymarfer ym Mwrdd Iechyd Prifysgol Cwm Taf Morgannwg.

Mr Niladri Sengupta

Mae Mr Niladri Sengupta yn Ymgynghorydd mewn Obstetreg a Gynaecoleg yn Ysbyty Glan Clwyd (Bwrdd Iechyd Prifysgol Betsi Cadwaladr) ac ef yw Arweinydd Clinigol PROMPT Cymru.

Dr Daniel Helme

Mae Dr Daniel Helme yn Anesthetydd Ymgynghorol yn Ysbyty Brenhinol Gwent (Bwrdd Iechyd Prifysgol Aneurin Bevan) ac mae’n Gynghorydd Anestheteg i PROMPT Cymru.

Jane Storey

Mae gan Jane flynddoedd lawer o brofiad o brofiad fel bydwraig ward geni.

Fel aelod o dîm aml-broffesiynol gyda Sefydilad Mamolaeth PROMPT, cefnogodd Jane dîm PROMPT Cymru gyda gweithredu PROMPT ledled Cymru yn 2018.

Mae Jane yn gweithio fel bydwraig banc gyda Thîm Cenedlaethol PROMPT Cymru.

Jenilee Harrison

Mae Jenilee Harrison yn Fydwraig Datblygu Ymarfer profiadol ym Mwrdd Iechyd Prifysgol Bae Abertawe. Yn ogystal â'i swydd barhaol, mae Jenilee wedi ymuno â Thîm Cenedlaethol PROMPT Cymru yn Fydwraig Banc.

Amy Hayman

Mae Amy Hayman yn Fydwraig Cylchdro brofiadol ym Mwrdd Iechyd Prifysgol Aneurin Bevan lle mae'n hwyluso hyfforddiant PROMPT Cymru yn rheolaidd. Yn ogystal â'i swydd barhaol, mae Amy wedi ymuno â Thîm Cenedlaethol PROMPT Cymru yn Fydwraig Banc.

Sarah Hughes

Mae Sarah Hughes yn Rheolwr Gweithrediadau yng Nghronfa Risg Cymru ac mae'n darparu cymorth gweinyddol i Dîm Cenedlaethol PROMPT Cymru.

Cwestiynau Cyffredin

Beth mae diwrnod hyfforddi PROMPT Cymru yn ei gwmpasu?

Mae PROMPT Cymru yn gwrs hyfforddi diwrnod cyfan gyda thîm mamolaeth amlbroffesiynol yn bresennol ac yn ei hwyluso. Mae'r pwyslais ar weithio mewn tîm a chyfathrebu, felly mae cynrychiolwyr yn cael eu dyrannu i dimau aml-broffesiynol i gymryd rhan mewn argyfyngau obstetreg a efelychir yn y meysydd clinigol. Rhai enghreifftiau fyddai rheoli genedigaeth o chwith (breech) nad oedd wedi’i ganfod mewn uned dan arweiniad bydwraig neu ddelio â menyw feichiog sy’n cael trawiad ar y galon. Mae timau bydwreigiaeth gymunedol hefyd yn mynychu hyfforddiant PROMPT Cymru yn y Gymuned lle maent yn hyfforddi ochr yn ochr â pharafeddygon ac yn ymarfer rheoli argyfyngau mewn lleoliad cymunedol.

Beth yw amcan cyffredinol rhaglen PROMPT Cymru?

Mae hyfforddiant PROMPT Cymru yn canolbwyntio ar reoli sefyllfaoedd brys a allai godi yn effeithiol yn ystod beichiogrwydd a genedigaeth. Mae'n pwysleisio pwysigrwydd gwaith tîm a chyfathrebu effeithiol, ac yn rhoi cyfle i dimau ymarfer delio ag argyfyngau prin mewn amgylchedd sydd wedi’i efelychu. Fel y dangoswyd yn Ysbyty Southmead ym Mryste ac unedau mamolaeth eraill yn y DU a thramor, rydym yn disgwyl gweld gwelliannau trwy ganlyniadau mwy diogel i famau a babanod yng Nghymru.

Sut y byddwn yn gwybod bod hyfforddiant PROMPT Cymru yn effeithiol?

Ar ôl casglu data ôl-weithredol o unedau mamolaeth ledled Cymru, bydd PROMPT Cymru yn gwneud cymariaethau ar ôl cyfnodau cytunedig i weld a yw’r canlyniadau clinigol yn gwella. Mae gennym ddiddordeb hefyd yng nghanfyddiad y staff ynghylch gweithio mewn tîm a diogelwch, ac rydym wedi mesur hyn gan ddefnyddio Holiadur am Agweddau ar Ddiogelwch. Dangosodd canlyniadau cyn ac ar ôl gweithredu gwelliant ym mhob un o'r chwe maes: Gwaith Tîm, Diogelwch, yr Hinsawdd, Canfyddiad o reolwyr, Boddhad swydd, Amodau gwaith a chydnabod straen. Rydym hefyd yn awyddus i ddeall canfyddiadau menywod o'r gofal a dderbynnir yn ystod argyfyngau o ran diogelwch a chyfathrebu, ac rydym yn bwriadu casglu gwybodaeth a fydd yn helpu i lywio ein hyfforddiant.

Cysylltwch

Os oes gennych ymholiad ar gyfer PROMPT Cymru, cysylltwch isod.