Manylion Cyswllt allPay

Mae llinell gymorth ar gael os oes gennych unrhyw ymholiadau neu broblemau gyda’ch cerdyn:

Wedi anghofio rhif PIN
Cerdyn ddim yn gweithio
Cerdyn wedi'i wrthod
Cerdyn wedi'i golli, ei ddwyn neu ei ddifrodi
Balans ar ôl ar gerdyn

E-bost: enquiries@allpay.net

Ffôn: Ar gael Dydd Llun - Dydd Gwener 8am - 6pm

Cymorth i Gwsmeriaid - 0330 135 9512

Ymholiadau Cyffredinol – 0330 135 9515

Llinell awtomataidd (IVR) ar gael 24/7 - 0330 808 0102

Fel arall, gallwch adael neges llais i allpay Ltd gysylltu â chi yn ystod oriau gwaith

Gwybodaeth Ddefnyddiol

Mewn cydweithrediad ag allpay Ltd:

Rhoddir cerdyn rhagdaledig allpay gan allpay Ltd yn unol â thrwydded Mastercard International Incorporated. Mae allpay Ltd yn gwmni a reoleiddir gan yr Awdurdod Ymddygiad Ariannol (FRN 900539) ar gyfer cyhoeddi arian electronig. Prif swyddfa a chyfeiriad cofrestredig: Fortis et Fides, Parc Busnes Whitestone, Henffordd, HR1 3SE (Rhif Cwmni 02933191). Mae Mastercard yn nod masnach cofrestredig Mastercard International Incorporated.

Sylwadau a chwynion

Dylid gwneud cwynion am unrhyw elfen o’r gwasanaeth cerdyn a ddarperir gan allpay Ltd drwy gysylltu â’u tîm gwasanaeth cwsmeriaid dros y ffôn, neu e-bostio enquiries@allpay.net

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: