Gwasanaeth Rhagnodi Electronig - Cardiau Clyfar GIG

Am y Gwasanaeth Rhagnodi Electronig

Ar hyn o bryd yng Nghymru, mae meddygon teulu a rhagnodwyr eraill ym maes gofal sylfaenol, yn llofnodi presgripsiynau papur â llaw. Mae’r Gwasanaeth Rhagnodi Electronig yn caniatáu i ragnodwyr anfon presgripsiynau yn electronig i ddosbarthwr (megis fferyllfa) o ddewis y claf. Mae hyn yn gwneud y broses rhagnodi a dosbarthu yn fwy diogel, yn fwy effeithlon a chyfleus i gleifion a staff. 

Pam mae angen cardiau clyfar y GIG nawr? 

Mae EPS yn anfon presgripsiynau gan y meddyg teulu i'r fferyllfa trwy NHS Spine, ac mae angen cardiau clyfar y GIG i ryngweithio â Spine. Dyma’r un cardiau clyfar a ddefnyddir yn Lloegr, felly os oes gennych gerdyn clyfar o Loegr yn barod, nid oes angen i chi wneud cais eto i Gymru. Gall unrhyw ganiatâd sydd ei angen gael ei ychwanegu at eich cerdyn presennol gan Asiant/Noddwr yr Awdurdod Cofrestru yn y practis.

Bydd staff practisiau meddygon teulu a fferyllfeydd Cymru yn gallu cael mynediad at swyddogaethau’r Gwasanaeth Rhagnodi Electronig o fewn eu systemau clinigol, yn ogystal â’r Traciwr Presgripsiwn, gan ddefnyddio eu cerdyn clyfar.

Sut i gael cerdyn clyfar

Bydd gan bob practis meddyg teulu sydd ag EPS byw neu sydd wedi'i amserlennu i fynd yn fyw o fewn 3 mis Asiant neu Noddwr yr Awdurdod Cofrestru a all gael cardiau clyfar ar gyfer staff practis ac ar gyfer locwm rheolaidd/wedi'i gynllunio.

Rhagor o wybodaeth

Mae’n bosibl y bydd Asiant neu Noddwr yr Awdurdod Cofrestru mewn unrhyw bractis sydd ag EPS byw yn gallu ateb eich ymholiadau.  Mae gwybodaeth gyffredinol am gardiau clyfar ar gael yma hefyd: Defnyddwyr cardiau clyfar a dilyswyr - NHS Digital. Os yw eich ymholiad yn ymwneud â swyddogaethau cerdyn clyfar mewn systemau clinigol, cysylltwch â'ch cyflenwr system glinigol.

Cofnodi problemau

Os oes gennych broblemau gyda'ch cerdyn clyfar, cofnodwch alwad gan ddefnyddio'r manylion cyswllt isod. Bydd tîm yr Awdurdod Cofrestru yn cysylltu â chi i roi cymorth.   

At ddefnydd staff mewn practisiau meddyg teulu:

Desg Wasanaeth Leol Iechyd a Gofal Digidol Cymru (DHCW) 

Ffôn: 0333 200 8048  

(7.30am-8pm Llun-Gwener, 9am-1pm Sadwrn) 

E-bost: it.servicedesk@wales.nhs.uk

At ddefnydd staff mewn fferyllfeydd:

Partneriaeth Cydwasanaethau GIG Cymru (PCGC)

Ffôn: 029 2090 4030

(8am-5pm Llun-Gwener)

E-bost: prescribing.management@wales.nhs.uk

Y Newyddion Diweddaraf

Rhagor

Y Newyddion Diweddaraf

Rhagor

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: