Rheoli'r Gwasanaeth ETC

Mae Trefniadau Rheoli’r Gwasanaeth ETC wedi’u disgrifio isod. Ewch i’r dudalen Diweddariadau Gwasanaeth os ydych yn cael problemau cyflwyno.

Oriau Gwasanaeth

Mae’r gwasanaeth ar gael i gleientiaid 24x7, ac eithrio toriadau cynlluniedig a ffenestri cynnal a chadw.

Oriau Cymorth

Gellir cael cymorth gan y gwasanaeth hwn rhwng 8:00am a 5:00pm o ddydd Llun i ddydd Gwener, ar wahân i wyliau cenedlaethol, a dylid cael mynediad ato drwy Ddesg Gymorth Partneriaeth Cydwasanaethau GIG Cymru yn y lle cyntaf. Mae manylion cyswllt fel a ganlyn:

E-bost: prescribing.management@wales.nhs.uk
Ffôn: 029 2090 4030

Digwyddiadau

Lefel Digwyddiad	Disgrifiad	Amser Ymateb
Sylweddol	Digwyddiadau o ganlyniad i effaith glinigol neu fusnes sylweddol, gan gyfyngu gallu’r cleient i weithredu gwasanaeth arferol	4 awr
Cymedrol	Digwyddiadau o ganlyniad i rywfaint o effaith glinigol neu fusnes, gan gyfyngu gallu’r cleient i weithredu gwasanaeth arferol	16 awr
Isel	Digwyddiadau o ganlyniad i effaith fusnes fach neu ddibwys	32 awr

Ceisiadau Gwasanaeth

Math o Gais	Disgrifiad	Amser Ymateb
Hwyluso	Ceisiadau gwasanaeth y mae angen camau gweithredu brys	8 awr
Safonol	Ceisiadau gwasanaeth y mae angen camau gweithredu nad ydynt yn rhai brys	40 awr

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: