Tîm Cyflogaeth Gwasanaethau Cyfreithiol a Risg

Pwy ydym ni

Sioned Eurig sy’n arwain y tîm Cyflogaeth, sy’n cynnwys Gemma Griffiths, Lorrelee Traynor, Peter Marshall, Christopher Childs, Damien Burns, Shan Evans, Louise Murray, Bethan Richards, Sammie Morris, Georgia Stocks a Penny Cooper. Mae pob un ohonyn nhw’n gyfreithwyr cymwys sy'n arbenigo mewn Cyfraith Cyflogaeth. Mae ein tîm hefyd yn elwa o gefnogaeth y paragyfreithwyr Emma Jones, Elen Gibbin, Joy Oguntosin a Ffion Price.

Yr hyn rydyn ni’n ei wneud

Ers ei sefydlu yn 2012, mae’r Tîm wedi cynrychioli Byrddau Iechyd ac Ymddiriedolaethau mewn ystod eang ac amrywiol o achosion Tribiwnlys Cyflogaeth. Yn 2024, bydd gwasanaeth newydd cyffrous yn cael ei lansio a'i gynnig i'n cydweithwyr mewn lleoliadau Gofal Sylfaenol.

Mae’r tîm yn arbenigwyr mewn cyfraith cyflogaeth y GIG a meddygol. Ar hyn o bryd, maent yn cynghori ar faterion polisi strategol lefel uchel a phopeth sy’n ymwneud â chyfraith cyflogaeth. Rydym yn ymwybodol bod gan y materion oblygiadau ar draws GIG Cymru. Mae hyn yn cynnwys gofal sylfaenol gan ymdrin â hwy gyda sgil, rhagwelediad a diplomyddiaeth.

Mae ein cyfreithwyr cyflogaeth GIG arbenigol ar gael i roi cyngor ar bob agwedd ar gyfraith cyflogaeth a materion yn ymwneud â chysylltiadau cyflogeion, gan gynnwys y canlynol (ond heb fod yn gyfyngedig iddynt):

Gall y Tîm gynnig cymorth â’r materion dadleuol canlynol:

Pob math o hawliad mewn Tribiwnlys Cyflogaeth gan gynnwys, ond heb fod yn gyfyngedig i:

• Diswyddo annheg (ymddygiad a gallu)
• Gwahanol fathau o wahaniaethu (anabledd, cyfeiriadedd rhywiol, hil, oedran, rhywedd ac ati)
• Didynnu o gyflogau yn anghyfreithlon
• Tâl Gwyliau
• Chwythu'r chwiban
• Pensiwn
• Hawliau Gweithwyr Asiantaeth
• Materion ac achosion yn ymwneud â disgyblu meddygon

Gall y Tîm gynnig cymorth â’r materion annadleuol hyn hefyd:

• Contractau Cyflogaeth
• Llawlyfrau Cyflogaeth
• Dehongli polisïau a gweithdrefnau ar lefel Cymru gyfan
• Materion sy’n codi yn sgil y berthynas cyflogaeth (gan gynnwys cynghori ar gwynion a gwrandawiadau disgyblu), yn cynnwys dod â chyflogaeth i ben
• Polisïau sy’n ystyriol o deuluoedd (e.e. y gyfundrefn newydd Absenoldeb Rhiant a Rennir)
• Apeliadau bandio clinigwyr
• Pecynnau diswyddo a drafftio cytundebau setlo
• Rheoliadau Trosglwyddo Ymgymeriadau (Diogelu Cyflogaeth)
• Cynlluniau Gadael Swydd yn Gynnar o Wirfodd ac ymholiadau amdanynt
• Materion Cymru Gyfan mewn cydweithrediad â Llywodraeth Cymru
• Statws Cyflogaeth
• Ymgynghoriadau a Diswyddiadau
• Cydnabod Undebau Llafur
• Ailstrwythuro

Addysg

Mae Cyfraith Cyflogaeth yn newid o hyd. Gall ein Tîm gynnig ystod eang o sgyrsiau a seminarau addysgol y gallwn ni eu darparu ar ein safle sydd â’r holl offer perthnasol.  Gallwn ni deilwra ein pecynnau i rai chwarter diwrnod, hanner diwrnod neu ddiwrnod llawn mewn safle sy’n gyfleus i’n cleient.

Mae pynciau diweddar yn cynnwys:

• Diweddariadau cyfraith cyflogaeth
• Urddas yn y Gwaith
• Rheoli absenoldeb oherwydd salwch
• Hyfforddiant ar faterion disgyblu i rai sy’n gwneud penderfyniadau
• Hyfforddiant ar Ymchwiliadau Disgyblu
• Hyfforddiant ar y Rheoliadau Trosglwyddo Ymgymeriadau (Diogelu Cyflogaeth) (TUPE)
• Chwythu'r chwiban
• Hyfforddiant ar y Polisi Cynnal Safonau Proffesiynol
• Drafftio honiadau
• Contractau cyfnod penodol

Manylion Cyswllt