Meddyginiaethau Wedi Eu Gweini'n Bersonol

Canllawiau ar gyfer Cyflwyno eich Cyfrif

Cofio ddileu unrhyw nodiadau cleifion sydd ar y presgripsiwn
Tynnu unrhyw gorffynnau estron megis staplau, ond heb ddifrodi’r ffurflen lle bo hynny’n bosibl
Ni fydd angen anfonebau os caiff yr holl wybodaeth ei harnodi h.y. gwneuthurwr neu gyflenwr, cost net a maint y pecyn
Cadw presgripsiynau mor wastad â phosibl
Sicrhau bod pob presgripsiwn yn wynebu’r un ffordd
Llenwch y ffurflen datganiad (WP34P) gan sicrhau eich bod yn nodi eich cod PS unigryw.
Dylech gyflwyno'ch Hawliadau Aml Frechlyn ar-lein gan ddefnyddio EMVC.
Ni fydd angen Atodiad arnom os byddwch wedi hawlio eich amlfrechlynnau ar-lein NEU os na fyddwch yn hawlio unrhyw beth.
Peidiwch â chynnwys eich hawliadau ar-lein yn y blychau cyfanswm ar y ffurflen WP34P
Rhowch y label â chod lliw PS60?P perthnasol ar yr amlen a sicrhewch fod y cod PS wedi ei ysgrifennu’n glir ar y label.
Sicrhewch fod y presgripsiynau yn cyrraedd er mwyn eu had-dalu heb fod yn hwyrach na’r Dyddiad Cyflwyno
Sicrhewch eich bod yn talu am y post cywir Mae Gwasanaeth Negesydd ar gael

Dyddiad Cau Cyflwyno (doc, 49kb)

Canllawiau WP34P

Hawliadau Amlfrechlyn Electronig (EMVC)

Lawrlwytho label PS 60P

Gwasanaeth Negesydd

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: