Hawliadau Amlfrechlyn Electronig (EMVC)

Erbyn hyn, mae Practisiau Meddygon Teulu sy'n cyflwyno hawliadau misol am weinyddu brechlynnau aml-ddos yn gallu gwneud hynny'n electronig. Unwaith y byddant wedi cofrestru ar y system, bydd modd iddynt gyflwyno data’n gyson drwy gydol y mis ac, am hanner nos ar y 5ed diwrnod calendr o bob mis, caiff y data hwn ei gasglu’n awtomatig gennym, gan sicrhau y bodlonir terfyn amser trosglwyddo bob amser. Bydd gan ddefnyddwyr fynediad i archif o'u cyflwyniadau ar-lein yn y gorffennol, ar sail darllen yn unig, gan ymestyn yn ôl am flwyddyn (neu gyflwyniad cyntaf ar-lein).

I gael help neu gymorth ar sut i gofrestru i gyflwyno hawliadau aml-frechlyn ar-lein neu ymholiadau cyffredinol ar ddefnyddio'r system, cysylltwch â'n desg gymorth drwy e-bost neu ar 02920 904030.

Fel arall, gallech ddefnyddio'r canllaw ar-lein.

Gellir lawrlwytho ffurflenni datganiad WP34P a WP34D ar gyfer Arferion Rhagnodi yn unig a Phresgripsiynu.

Canllaw EMVC Ar-lein (PDF,622kb)

E-bost: prescribing.management@wales.nhs.uk

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: