Gofyn am Fynediad i Gofnodion Iechyd

Gofyn am Fynediad i Gofnodion Iechyd

Er mwyn cael mynediad at gofnodion iechyd meddygon teulu ar gyfer unigolyn sy'n anghofrestredig neu wedi marw, bydd angen i chi gwblhau un o'r ceisiadau isod a'i gyflwyno, ynghyd â chopïau o'ch dogfennau adnabod, i'r cyfeiriad canlynol;

Adran Mynediad at Gofnodion, PCGC

Tŷ Cwmbrân,

Ystad Parc Mamhilad

Pont-y-pŵl

NP4 0XS

Gallwch hefyd e-bostio eich cais i; nwssp-primarycareservices@wales.nhs.uk

Os ydych yn gwneud y cais fel cynrychiolydd cyfreithiol unigolyn, bydd angen i chi ddarparu awdurdodiad wedi’i lofnodi a’i ddyddio i chi weithredu ar ei ran.

Os oes gennych unrhyw ymholiadau, gallwch chi ein ffonio ni ar; 01495 300730

Amserlenni a Phrosesu

Mae gennym 40 diwrnod calendr ar ôl derbyn cais wedi'i gwblhau'n llawn i ddarparu copïau o gofnod meddyg teulu cleifion ymadawedig i chi. Mewn rhai achosion, efallai na fydd hyn yn bosibl oherwydd amgylchiadau y tu hwnt i'n rheolaeth (er enghraifft, lle mae'r cofnod yn cael ei gludo o'r practis meddyg teulu ar y pryd). Byddwn yn diweddaru'r ymgeisydd ar hynt ei gais os felly.

Mae gennym 30 diwrnod calendr ar ôl derbyn cais wedi'i gwblhau'n llawn i ddarparu copïau o gofnod meddyg teulu cleifion anghofrestredig i chi.

Sylwch, rydym yn prosesu ceisiadau am gofnodion cleifion a oedd wedi'u cofrestru ynghynt yng Nghymru yn unig.

Bydd angen i chi gysylltu â’r Ymddiriedolaeth Ysbyty berthnasol ar gyfer cofnodion ysbyty.

Cael Mynediad at Gofnodion Iechyd Meddyg Teulu Cleifion Anghofrestredig – Taflen Wybodaeth

Cael Mynediad at Gofnodion Iechyd Meddyg Teulu Cleifion Ymadawedig – Taflen Wybodaeth

Cais i gael Mynediad at Gofnodion Iechyd Meddyg Teulu Cleifion Anghofrestredig

Cais i gael Mynediad at Gofnodion Iechyd Meddyg Teulu Cleifion Ymadawedig

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: