Adroddiadau PD1

Mae Uned Gwasanaethau Presgripsiynu yn gyfrifol am ad-dalu a thalu’r holl gontractwyr presgripsiynu sydd wedi eu cofrestru yng Nghymru. Telir am y cyffuriau a bresgripsiynir ar FP10.

Mae’r Tariff Cyffuriau yn pennu’r hyn a gaiff ei dalu i gontractwyr am y gwasanaethau maent yn eu darparu. Mae hyn yn cynnwys ad-dalu (costau’r cyffuriau, dyfeisiau a.y.y.b.) a thalu (ffioedd, lwfansau a.y.y.b.). Caiff y cyfanswm ei dalu bob mis a gall amrywio yn dibynnu ar y math o gontractiwr presgripsiynu.

Mae’r adroddiad PD1 yn darparu data ystadegol yn ymwneud â’r presgripsiynau a roddir yng Nghymru sydd wedi eu casglu gan bob math o gontractiwr presgripsiynu ar gyfer pob Bwrdd Iechyd lleol.

Mae’r dogfennau sydd wedi eu rhestru isod yn cynnwys y saith adroddiad ar gyfer pob mis.

Am ddisgrifiad manwl o’r adroddiadau gweler y Canllaw i Ddefnyddwyr yn yr adran Dogfennau Allweddol.

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: