Data Presgripsiynu'r Fferyllfa/Practis

Mae’r adroddiad hwn yn dangos:

nifer y presgripsiynau a roddir gan bob fferyllfa gymunedol yng Nghymru yn ôl y practisiau meddyg teulu a gyflwynodd y presgripsiynau
nifer y presgripsiynau sy’n cael eu rhoi ymhob practis meddyg teulu yng Nghymru yn ôl y fferyllfa a roddodd yr eitemau hynny

Bydd data yn cael eu cyhoeddi ar ddiwrnod gwaith cyntaf pob mis (yn dechrau ar Ebrill 2015) ac ar gael am y flwyddyn ariannol bresennol a’r ddwy flynedd ariannol gyflawn.

Bob mis, bydd taenlen sy’n cynnwys pedair tudalen o wybodaeth ar gael fel y nodir isod.

Cyfeiriadau Contractwyr

Mae’r rhain yn dangos enw a chyfeiriad pob fferyllfa sydd wedi rhoi presgripsiynau’r GIG yn ystod y mis perthnasol.

Cyfeiriadau Practisiau

Mae’r rhain yn dangos enw a chyfeiriad pob practis sydd wedi cyflwyno presgripsiynau’r GIG yn ystod y mis perthnasol.

Fferyllfa yn ôl Practis CCYYMM

Ar gyfer pob fferyllfa, mae’r set ddata hon yn cynnwys nifer y presgripsiynau sy’n cael eu rhoi yn ôl y practis meddyg teulu a gyflwynodd y presgripsiynau.

Mae’r set ddata hefyd yn cynnwys cyfanswm nifer y presgripsiynau na ddaethant o bractis meddyg teulu yng Nghymru, gan gynnwys presgripsiynau ysbyty, presgripsiynau deintyddol neu bresgripsiynau o Loegr.

Practis yn ôl Fferyllfa CCYYMM

Ar gyfer pob practis meddyg teulu, mae’r set ddata hon yn cynnwys cyfanswm nifer y presgripsiynau yn ôl fferyllfa a roddodd y presgripsiynau hynny.

The dataset also includes the total number of prescriptions that were not dispensed in a pharmacy, including those dispensed by Dispensing Doctors, those that were personally administered in a GP practice and those that were dispensed in England.

Dogfennau

Dilynwch y ddolen i weld y dogfennau perthnasol

Cwestiynau Cyffredin

Sut ydw i'n cysylltu â chi?

Gallwch gysylltu â ni dros y ffôn, drwy e-bost neu bost. Ewch i dudalen Cysylltu â Ni am ragor o wybodaeth

Pam ein bod ni wedi symud at ddefnyddio prosesu presgripsiynau awtomaidd?

Mae prosesu awtomaidd yn ein galluogi i sicrhau bod ein had-daliadau i gontractwyr yn fwy cywir drwy leihau’r posibilrwydd o wall dynol. Mae ein cyfradd cywirdeb wedi cynyddu o 99.15% i 99.54% ers cyflwyno prosesu awtomaidd.

Mae hefyd wedi gwella pa mor effeithlon ydyn ni, gan gyfrannu’n sylweddol at y canlynol:

Ein gallu i barhau i ad-dalu contractwyr yn unol ag amserlenni’r Cytundeb Lefel Gwasanaeth yn wyneb niferoedd cynyddol o bresgripsiynau.
Ein gallu i ryddhau arian er mwyn gallu ei ailfuddsoddi yng ngwasanaethau rheng flaen y GIG. Rydyn ni’n prosesu 47% yn fwy o eitemau presgripsiwn gyda 53% yn llai o staff ers sefydlu ein rhaglen awtomeiddio.

Adolygu'r Defnydd o Feddyginiaethau ac Ymyrryd o ran Presgripsiynau – beth yw'r gwahaniaeth?

Mae nifer o ymholiadau wedi’u codi gan fferyllwyr ynghylch y gwahaniaeth rhwng Adolygiadau o Ddefnydd Meddyginiaethau ac Adolygiadau o Ddefnydd Meddyginiaethau ymyrryd o ran presgripsiynau. I egluro'r mater, mae Llywodraeth Cymru wedi cadarnhau mai dim ond un gwasanaeth sydd (h.y. y gwasanaeth Adolygu'r Defnydd o Feddyginiaethau) ond gellir cymell y gwasanaeth mewn gwahanol ffyrdd.

Gellir cymell adolygiadau rheolaidd o’r defnydd o feddyginiaethau yn rhagweithiol drwy adnabod grwpiau penodol o gleifion sydd wedyn yn arwain at wahoddiad am Adolygiad o’r Defnydd o Feddyginiaethau.

Mae ymyrryd o ran presgripsiynau yn fwy adweithiol oherwydd ei fod yn ymateb i broblem gydymffurfio sylweddol o ran meddyginiaeth unigolyn, sydd wedyn yn arwain at gwblhau Adolygiad o’r Defnydd o Feddyginiaethau. Mae hyn yn wahanol i fferyllwyr yn gwneud ymyriadau clinigol ar bresgripsiynau (e.e. lle y caiff rhyngweithio ei adnabod a bod angen diwygio presgripsiwn) sy’n ofynnol yn unol â thelerau’r gwasanaeth ar gyfer holl gontractwyr fferylliaeth.

Dolenni ac Adnoddau Defnyddiol

Cysylltwch

Os oes gennych ymholiad ar gyfer ein Gwasanaethau Gofal Sylfaenol, cysylltwch â ni isod: